الولاد دول حاجة صعبة




حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي



*******

لو عاملتيه حلو يقولوك واقعة فى هوايا



وان معبرتيهوش يقول عليكي مغرورة ومناخيرك في السما



******


لو لبستي حلو واتشيّكتي يقول بتعمل كده عشان تلفت نظري ليها



ولو انتي عمليّة شوية يقول عليكي فلاّحة



*******


لو اتناقشتي معاه هيقول عليكي عنيدة



ولو سكتّي هيقول عليكي مخك فاضي



لو انتي أذكى منه هيدّيكي الوش الخشب



ويا سلام لو هوّ اذكى منك.. هتتفرّجي



لو مش بتحبيبه هيحاول يتملّكك



ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك



*******


لو قلتيله على مشاكلك هيقول عليكي مزعجة



ولو مقولتيش هيقول انك مش بتثقي فيه



لو حاولتي تنصحيه هيقول عليكي عايزة تتحكمي فيه



ولو هو اداكي أمر (قصدي نصيحة !!!) ده لانّه بيخاف عليكي



*******


لو حصل ووعدتيه بحاجة ومعملتيهاش هتبقي مش موضع ثقة



اما هوّ لو خلف وعده فده غصب عنه.. اضطر



لو انتي حليتي حلو فى الامتحانات يقولك ده حظ



اما هو لو حل حلو يقولك عبقرية وذكـاء



لو جرحتيه تبقى قاسية ومعندكيش قلب



اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟



*******
لو قريتي الموضوع ورديتى وكنتي بنت هيقولوا ما هى واحده منهم



ولو قراه ولد هيقول ده افترى




اى خدمة يابنات بس ااكيد صوابعك مش زي بعضها

فعلا صعبين جدا ومش بيريحو حد

جــــــــــــــــدا

بس مش بيلينوا اللى بالعين الحمرة وطوله اللسان يا شـــــــــوشـــــــــــو

وانتم ايه

لو الولاد حاجه صعبه انتو تبقو ايه

احنا الطف الكائنات
سعاد حسنى قالت كــــــــــــدة

وبعدين يا اخويه انته وهو

انتم متعرفوش تمشوا حالكو دة اللى من غير البنات
سواء مامتك او اختك
ناكر الجميل ليــــــــــــــــة يا اسطة

اسطه
امى واختى على دماغى من فوق فوق
طب منتى متقدريش تعيشى من غير ابوكى واخوكى
هتحسى بالامان ازاى
ولا انتو اللى ملايكه

يا عم انا مقولتش حاجة

لكن انتو ضدننا
وانا لازم اغير المفهوم الغلط اللى عندكك
والمثل بيقول صوبعك مش زى بعضها
بمعنى ان البنات موش زى بعضها
من الاخر انته بتغلط فينا يا نجم

هههههه مش هيسبونا فى حالنا باة

نقاش رائع بجد وموضوع اروع